Veidifélagið Dýrið

Veturinn

2005-12-06T02:32:00.000-08:00

Já vildi bara láta ykkur vita að við erum ekki dauðir ennþá. Engin veið hefur verið síðan í okt en þá fórum við í Skorradal en lítil veið var. Farið var svona aðallega til að viðra okkur og græjurnar. Mjög kalt var og skyggði fljótt en þetta var samt gaman.
Læt vita ef eitthvað verður farið í vetur.
Over and out.
Blind Fisher

Lýsuvötn,júlí 05

2005-08-18T14:19:00.000-07:00

Hérna eru nokkrar myndir af þeim félögum Gilli,Barði,Gauta en þarna eru þeir félagarnir í Lýsunni rétt eftir stórstreymi í júlí sl. og var aflinn fimm laxar sem voru svona á bilinu fimm pund upp í stórlaxa en sögur herma að Gilli hafi veitt þann stærsta en Gauti flesta,en Barði fékk fjörugasta fiskinn.Hér er það ekki magnið sem gildir heldur stærðin og lífið í fisknum.
Blindi ritarinn.

ný græja

2005-08-07T07:56:00.000-07:00

Jæja,fékk veður af því að félagarnir hafi farið og keypt fiskleitartæki/dýptarmæli á bátinn.Þá er bátsgarmurinn orðinn græjaður svona eins vel og hægt er að græja hann.
Þeir félagar Gilli,Gauti og Siggi fóru allir saman upp í Skorradal og prófuðu nýju græjuna og að sjálfsögðu gátu þeir ekki annað en tekið með stangir.Eftir að hafa skoðað vatnið komust menn að því að þarna lifa nokkur risaskrýmsli af bleikjum að vera og ákváðu að reyna að ná í eitt stykki en eftir smá tíma varð ljóst að skrýmslin ætluðu ekki að taka agnið en menn fóru nokkuð sáttir heim engu að síður en þeir Gilli og Gauti fengu sitt hvorn tittinn en Siggi,ekki óvanur því að fá ekkert nema rassæri,fór heim með öngulinn í rassinum.Allir voru sammála því að nýja græjan virkaði frábærlega og var góð kaup fyrir félagið.Eg sjálfur get ekki beðið eftir að sjá þetta flotta tæki.
Blindi ritarinn.

Verslunarmannahelgin í Skorradal

2005-08-03T12:04:00.000-07:00

Jæja,loksins fór ritarinn í veiðiferð og var það sú fyrsta síðan í apríl.Ég,Einar Lee,og Gilli fórum saman á gúmbát félagsins út á Skorradalsvatn á sunnudaginn og voru menn frekar þungir á sér sökum þynnku,en það er önnur saga.
Byrjuðum við veiðina um fimmleytið og var mjög fínt veður.Ekki lét fiskurinn á sér standa þó fleiri hefðu mátt koma upp í bátinn.Þessi dagur endaði með því að við vorum farnir að ala fiska á maðki en einungis fimm urriðar létu gabbast og kokgleyptu með græðgi í hjarta.En við vonum að hinir sem átu af önglinum hjá okkur séu saddir og ánægði og hafi stækkað því við komum og náum í ykkur síðar.
Blindi veiðimaðurinn ritaði.

Heiðarvatn 17.7.05

2005-07-19T03:20:00.000-07:00

Heyrði frá þeim félögum Gilla og Gauta þar sem þeir fóru í sumarbústað á Flúðum um helgina.Upprunalega var ætlunin að fara ekkert að veiða en bakterían sagði til sín og þeir fóru ásamt börnum og buru í manngert vatn rétt hjá Flúðum að nafni Heiðarvatn að mér skilst.Ekki var um mikla veiði að ræða en samkvæmt áreiðanlegum heimildum kom þó einn fiskur á land þannig að þeir félagar fóru ekki með öngulinn í rassinum heim þann daginn.Eftir veiði dagsins heilsuðu þeir upp á bóndann sem á vatnið og fullyrti hann að þetta væri stærsti fiskurinn sem þarna hefði komið á land.Þetta var nefnilega sex punda kvikindi og tók hann á rækju af öllum hlutum.Þrátt fyrir fáa fiska var Gilli,en hann fékk þennan eina,auðvitað ánægður með daginn og láir honum það enginn eftir svona hvaldrátt.
Blind Fisher.

Skorradalur 14.7.05

2005-07-14T13:00:00.000-07:00

Nú að kvöldi þessa sólríka dags er Gilli einn að veiðum úti á bát á Skorradalsvatni.Þegar þetta er ritað hefur ekkert verið að fá á vatninu en Gilli gefst ekki upp fyrr en í fulla hnefana og ætlaði sér að sjá til fram eftir kvöldi.Hann er ekki mikið þekktur fyrir að fara heim tómhentur og vonum við að svo verði ekki heldur í kvöld.Hann er kominn með nokkrar myndir úr dalnum og ætlum við að bæta þeim hér inn á morgun eða hinn svona eftir því hvenær þær fást afhentar.
Ritað af Blind Fisher

Stubbarnir part 2 11.07.05

2005-07-12T03:49:00.000-07:00

Heyrði frá strákunum í gærkvöldi svona við lok ferðarinnar og kom í ljós að Siggi hafði bæst í hópinn.Ég verð að segja að mig fór að klæja alvarlega í veiðifingurinn þegar ég heyrði að sex laxar voru komnir á land.Staðreyndin er nefnilega sú að ég hef aldrei veitt lax og ætli það geri mig ekki eina félagann sem hef aldrei veitt lax.
Allavega sex laxar á bilinu fimm til níu pund samkvæmt Gauta Halldórssyni,sérstökum heimildarmanni í þessarri ferð.Gilli fékk tvo,Gauti þrjá og Siggi fór ekki heim með öngulinn í rassinum og engann bruna heldur því hann fékk víst einn líka.Góð og skemmtileg ferð skildist mér og vonum að strákarnir hafi ekki gleymt myndavélinni svo við getum sýnt myndir af fengnum.
Ritað af Einari Lee

Stubbarnir 11.07.05

2005-07-11T04:31:00.000-07:00

Var að fá fréttir af tveim félögum úr Dýrinu að veiðum í Stubbunum,sem eru ár sem liggja á milli vatnanna Eirarvatns,Þórisstaðavatns og Geitabergsvatn og eru í Svínadal við Hvalfjörð.Um ellefuleytið í morgun voru þeir félagar Gísli og Gauti búnir að landa tveim löxum,fallegum fimm punda kvikindum,eða einn hvor.rVeður er fínt á þessum slóðum núna og vonast menn til að landa nokkrum til viðbótar og af reynslu þess er þetta ritar verður það ekki vandamál fyrir þessa tvo feiknafræknu veiðimenn.Ætla þeir félagar að hafa samband í hléinu með nánari fregnir af fjörinu og bíðum við iðjulausu veiðimennirnir eftir símtali með mikinn kláða í fingrunum.

Gilli líka í Skorradal

2005-07-08T15:04:00.000-07:00

Hérna sjást nokkrar myndir af einum höfuðpaur félagsins þar sem hann er að veiðum í Skorradal með Sigga í Júní.Einhversstaðar hvíslaði lítill fugl að okkur að Gilli hafi ekki veitt neitt í þessarri veiðiferð en það verður að segjast að við kaupum það heldur ekki dýrara en við keyptum það þar sem sagan hefur ekki enn fengist staðfest af heimildarmönnum okkar hér hjá Dýrsfréttum.Gilli sjálfur er þessa stundina einhversstaðar vestur á fjörðum í brúðkaupi og hefur ekki náðst í hann í dag sökum anna á gsm kerfi símans sem myndast hefur vegna brúðkaups Siggu systur Gilla en við munum haf nánari fréttir af þessarri veiðfer félaganna næstu daga.
Kveðja og ps. Siggi minn fleiri myndir takk

Siggi tomhentur

2005-07-08T14:58:00.000-07:00

Hér sjáum við Sigga greyið þar sem hann hefur ekki fengið neitt en sögur herma að nokkrum mínútum eftir að þessi mynd er tekin hafi stöngin hans kengbognað og hann hafi dregið hval á land en við hér seljum það ekkki dýrara en það var keypt.Tekið við Skorradalsvatn í Júní þar sem Siggi og Gilli fóru að veiða saman.

Dýrið

2005-07-08T14:33:00.000-07:00

Veiðifélagið dýrið,er veiðifélag með nokkra meðlimi,ættað á Suðvesturhorni.Nafnið dregur það af forláta jeppa sem félagið eignaðist fyrir nokkru og er af gerðinni Blaser S10 og þegar smíðaður var á hann stangarhaldari leit hann út eins og illvígt dýr. Hér til hliðar og fyrir neðan læt ég fylgja með nokkrar myndir sem teknar voru í veiðiferð okkar félaganna í Tungufljót en þar veiddist ekkert fyrr en á þriðja degi en þá fórum við í Laugarvatn þar sem undirritaður veiddi eina fisk ferðarinnar og fallegur var hann.